Exercitamenta Ianuaria

Feriae
Die XXIVº mensis Decembris domi meae in sarcinis parandis operam damus, quia mox in oppidum Praesidium (vernacule Castillejos) visendi familiam causa profecturi sumus. Vasis collectis, viam regionalem petimus et prius iter fere trium horarum fecimus quam in hoc oppidum pervenimus. Nam Praesidium prope Portugallensem limitem situm est in regione cui nomen est Andévalo. Dicitur enim Endovellicum Celtarum deum fuisse qui hominibus aegris remedium dabat si in templo rite noctem agebant, tamquam in nosocomio sive valetudinario fuissent. Haec consuetudo veterrima incubatio appellabatur. Ceterum in oppido Praesidio cum propinquiis nostris festum Nativitatis Domini egimus, dona et strenas ferentes et per vias agrosque spatiantes. Tandem Die Insontium, quod dicunt (quia tunc Herodes rex infantes occidi iussit), Xerem reverti sumus ut tempus subsicivum reliquum in domi tranquillitate consumamus.

Dies festi

Festum Nativitatis Dominicae et posteriores dies in oppido mariti mei egimus cum matre fratribusque eius et nostra eorumque filiis.
Frigidi, ut in reliqua Hispania, sed solati fuerunt hi dies in quibus viri frater cum canibus venaticis venari et postea cum suo fero aut cervo domum revenire solebat (venationes enim el maxime placent). Caedem suinam quoque fecimus, quae cum multas labores nobis dedit, tum multa gaudia etiam dabit.
Post paucos dies Xerem revenimus ad festum Pervigilii Silvestri celebrandum et hic non solum epulas Silvestrinas laete paramus, sed etiam multa dona nobis emimus.
Hi dies festi igitur valde laeti nobis fuerunt.

ITER MATRITENSE

In Natiuitate aliquos dies Matriti peregi cum amicis meis. Iter autocineto facere constituimus ut prospectu frueremus et sumptu parceremus. Iter ualde pulchrum fecimus, sed magnum. Stratae autocineticae status bonus erat in conuentu Toletano, quod cum eum pertransimus iam sol lucebat et non uestigia nocturnae glaciei manebant.
Amici mei non caput Hispaniae agnoscebant, itaque, cum artium studiosi essent, uisitare musea matritensia cupiebant. Eadem uespere ad Prati Museum peruenimus, sed ante portas eius magna turba erat. Igitur necesse erat consilium capere alius rei faciendae. Viam transimus et ad Thyssen Museum uenimus. Hoc aedificium nuper amplificatum, iam hodie picturas a Carmine Thyssen emptas monstrat. Pars praecipua eius collectionis inest, sed multae picturae desunt, exempli causa eae de Beticae moribus et prospectibus quas in Hispalensi Museo ante nostras ferias uideramus, reuera pretiosae.
Postero die mane expositionem de Hispana Imagine prospectare potuimus. Hic conuenta erat larga monstratio operis clariorum pictorum usque saeculo quindecimo. Longe miramur imaginem Fratris Hortensii Parauicini a Graeco pictam, quae Bostoniensis Musei est. Hilare colloquimur ante poetae Gongorae effigiem, opus Didaci Siluae Velazquez. Pictores Hispalenses Stephanus Murillo et Valdes Leal bene repraesentati erant, cum penderent huc Iustini de Neue effigies et Michaelis de Mañara illuc. Nos delectaverunt autoeffigies Ludouici Melendez et Francisci de Goya. Ludouicus Rosales et Fredericus de Madrazo inter pictores saeculi decimononi fulgebant et opera quaedam Pauli Picasso expositionem claudebant, inter ea singularis effigies Gertrudis Stein.
Regiam etiam uisitamus, ibi exstructa erat illa Natiuitas, quae “Principis” appellant, et arma Imperatoris Charoli Quinti nunc magis splendent. Numquam ex animo discedet memoria huius diei.
In Natiuitate deambulare per medium urbem pulchrum est, multa laetitia adest, multi pueri, in uia pantomimi fabulas agunt et modulatores peregrini nos delectant. Tramen suburbanum, tamen, ualde triste est.

IDIBUS IANUARIIS

Comites et amici, vobis rogo ut mihi maximam veniam detis quod pessimus discipulus fui et sum sed non ero. Omnes natales dies in mea urbe, nomine Helmantica, ego permansi. Hodie mane in meam memoriam redegit ut mihi imperatus labor in Lengua Latina de faustis natalibus faciendus erat. Et cum mihi iam non licebat hoc facere, has stultas litteras conficere ausus sum. Per eas et meam poenitentiam vestri veniam assequi spero. Vobis multas gratias solvo.
De partibus humani corporis
Ante diem XIII Kalendas Februarias